Tere Sang

Jeevan ke panno me tere sang
Pyaar ke syahi se maine bhare rang
Ha kuch panne berang reh gaye ..
Par ye berang panne ek kahani keh gaye ..
Kahani un sapno ki jo reh gaye adhure ..
Par batao kya har sapne kabhi hote hai pure ?

Rangeen panno se khushiyan jhalakti hai ..
Sacche sapno ki kahani kise nahi lubhati hai?
In kahaniyo me khokar hum jo bhool jate hai ..
Berang panne hume wahi yaad dilate hai ..

Ki phir goonjegi humare pyaar ki tarang ..
Phir se safed panno me hum bharenge rang ..
Berang panno se zyada, garha pyaar ki syahi hai ..
Ki main hoon yahin, tum ho sath
Auur Zindagi abhi baki hai ..